قصيدة اللي يبينا عيت النفس تبغيه

أبو عدى الأربعاء 12 أكتوبر 2011, 10:02 pm

قصه بيت شعري مشهور..اخذوه الناس كمثل

اللي هو:
اللي يبينا عيت النفس تبغيه
واللي نبيه عيا البخت لا يجيبه

القصه الله يسلمكم..

انه كان فيه وحده .اسمها ^^ نوره بنت بن حوشان ^^

كانت تتمتع بجمال اخاذ وتقاسيم جميله..

وفوق هذا وذاك..كانت تتصف برجحان العقل والذكاء..والتربيه الحسنه..

هالحرمه تزوجت بواحد اسمه^^عبود بن علي بن سويلم^^

وكان نعم الرجال..له صيت بين قبيلته..

وكان رجال منعم الله عليه..بمال وحلال..وجاه بين اهله..

تزوجوا ..ومرت السنين ورزقهم الله بعيال..

وكانت حياتهم كلها حب..وسعاده..

وفي يوم من الايام..صار هناك خلاف بين نوره وزوجها عبود..

خلاف كبير تطور..ودخل الشيطان بينهم..

وكلن تمسك برايه..

ويريد الله ان عبود يرمي الطلاق على حرمته نوره؟!

وكان الطلاق بائن لا رجعة فيه..

وبعد طلاقها تقدم لها ناس كثير يبون القرب منها

لكنها رفضت الزواج بعد زوجها عبود..وكان الاقبال عليها كثير ..

نظرا لحسن خلقها وتربيتها ولانها من قبيله معروفه

ونظرا لما تكنه لعبود من حب وموده..وعشره حلوه..

ويجي يوم وتاخذ العيال يشوفون ابوهم...

وتمر على مزرعته ..اللي عاشت فيها وقت من الزمان مع عبود ..

وترسل العيال يسلمون على ابوهم وهي واقفه تناظرهم من بعيد..

وشريط ذكرياتها الحلوه مع عبود يمر عليها في هالحظات

ودموعها ..عجزت تمنعها..

يوم شافو العيال ابوهم خذتهم ..

وكملت دربها لبيت اهلها..وتسترجع ايامها معاه..

ووضعها بعد الطلاق ورفضها للي جو يخطبونها..بعد طلاقها ..

علشان تحفظ ..عشرتها اللي كانت مع عبود..

ووفاء له وتضحيتها من اجل اولادها..

فقالت هذي القصيده اللي تحتوي على بيت مشهور

اصبح مثلا يقال على ألسنة كثير من الناس...

القصيده هي:
ياعين هـلي صافي الدمع هليه
واليا انتهى صافيه هاتي سريبه

ياعين شوفي زرع خلك وراعيه
شوفي معاويده وشوفي قليبه

امنول دايم ال رايه انماليه
واليوم جيتهم علينا صعيـبه

وان مرني بالدرب ماقدر احاكيه
امصيبت(ن) ياكبرها من مصيـبه

اللي يبينا عيت النفس تبغيه
واللي نبي عيا البخت لا يجيبـــــه

صار البيت الاخير مثل ..دارج...للي يبي الشيء ولا يحصله...

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30