مرثية مبارك بن مسند الدبيسي في عيد بن مسعود الدبيسي رحمه الله

مرثية
لشاعر مبارك بن مسند الدبيسي
في
عيد بن مسعود الدبيسي رحمه الله


يالعين لو تبكين مثل ابن مسعود
بليهان شيال الحمول الثقيله
يالعين لا تبكين وصبرك على الكود
أللي رحل وأللي حثيثٍ رحيله
كيف اندب أللي راح والحبل ممدود
وأللي رحل قبل امس ياتيك غيره
العبد لا ينسى ترى الوقت محدود
مثل العميل أللي ملازم عميله
ياللي تقول الموت ماهو بموجود
شوفه وراء العربان يومي شليله
ويايبس حالي يبسة .... بالعود
وأحوب حالي حوب حظو المليله
والحال تمشي نقص ماتطلب الزود
حملي ثقيل ولا لقى من يشيله
ربعي تفاقت مالهم حد وحدود
اهل الوناسه والصحون الرزينه
غدا بهم ذا الوقت هاجد وهاجود
غدت بهم سمر الليالي سحيله
أللي بقا ماغير حمدان وحمود
وأللي وقف بالخط راعي شعيله
يالله ياللي تنشي العود من عود
اطلبك ياراع العطايا الجزيله
اللحم لوزاد منهاه للدود
ماباقي الا جنيته والفصيله
لاجاء مضيع النفس والقبر ملحود
كلن من الدنيا محصل حصيله
اطلبك لا جينا على العد بورود
تجعل منازلنا جنان ظليله
وصلاة ربي عد ماهبت النود
على الرسول أللي لنا بالوسيله

وسلامتكم


الشاعر مبارك بن مسند الدبيسي